كوردستان میدیا: مانگرتن‌و ناڕه‌زایه‌تییه‌كانی‌ خوێندكارانی‌ زانكۆی‌ زه‌نجان پاش چه‌ند رۆژ، به‌سه‌ر كه‌وتنه‌وه‌ كۆتایی‌ پێ‌هات.
له‌م پێوه‌ندییه‌دا ناوه‌ندی‌ خه‌به‌ریی‌ PDKI رایگه‌یاند، رۆژی‌ 28ی‌ جۆزه‌ردان له‌ كاتێكدا ناڕه‌زایه‌تیی‌ خوێندكاران دژی‌ ده‌ستدرێژیی‌ جێگری‌ فه‌رهه‌نگیی‌ زانكۆی‌ زه‌نجان بۆ سه‌ر كچێكی‌ خوێندكار هه‌روا درێژه‌ی‌ هه‌بوو، كاتژمێر 5ی‌ ئێواره‌ پێیان راگه‌یاندرا كه‌ ته‌واوی‌ داخوازییه‌كانیان قه‌بووڵ كراون. به‌ڵام لابردنی‌ سه‌رۆكی‌ زانكۆكه‌ پاش ته‌وابوونی‌ تاقیكارییه‌كان بڕیاری‌ له‌سه‌ر ده‌درێ‌.
شایانی‌ باسه‌ سه‌ردانی‌ ئه‌ندامێكی‌ پارلمانی‌ رێژیم بۆ زانكۆ‌و وتووێژی‌ له‌گه‌ڵ خوێندكاراندا، له‌ نێوان هه‌ردوولادا، رێككه‌وتن له‌سه‌ر قه‌بووڵكردنی‌ داخوازییه‌كانی‌ خوێندكاران پێك هات.
به‌شێك له‌ خوێندكارانی‌ ناڕازی‌ مه‌رجی‌ دواخستنی‌ بڕیاری‌ لابردنی‌ سه‌رۆكی‌ زانكۆیان قه‌بووڵ نه‌كردووه‌، به‌ڵام ده‌فته‌ری‌ ته‌حكیمی‌ وه‌حده‌ت بۆ ئارامكردنه‌وه‌ی‌ ره‌وشی‌ ئاڵۆزی‌ زانكۆ به‌ قازانجی‌ رێژیم، مه‌رجه‌كه‌ی‌ قه‌بووڵ كردووه‌. ئه‌و ئه‌ندامه‌ی‌ پارلمانی‌ رێژیم هه‌ڕه‌شه‌ی‌ له‌و خوێندكارانه‌ی‌ كه‌ ئه‌م مه‌رجه‌یان قه‌بووڵ نیه‌، كردووه‌‌و وتوویه‌ جیا له‌مه‌ ره‌وشه‌كه‌ ده‌بێ‌ به‌ ئه‌منییه‌تی‌‌و له‌ ژێر ناوی‌ "ته‌ناهیی‌ نه‌ته‌وه‌یی‌"دا هه‌ڵسوكه‌وتی‌ دیكه‌یان له‌گه‌ڵ ده‌كرێ‌.
بڕیاره‌ رۆژی‌ شه‌ممه‌، 1ی‌ پووشپه‌ڕ، تاقیكارییه‌كان له‌ زانكۆدا ده‌ست پێ‌بكه‌نه‌وه‌.