مانگرتن‌و كۆبوونه‌وه‌ی ناڕه‌زایی خوێندكارانی زانستگای ته‌ربیه‌ت موعه‌لیمی كه‌ره‌ج درێژه‌ی هه‌یه‌و شه‌وانه‌ تریبوونی ئازاد له‌ زانسگا به‌ڕێوه‌ ده‌به‌ن.

دوێنی‌ شه‌و تریبوونی ئازاد له‌ نێو كۆبوونه‌وه‌ی ناڕه‌زایی‌دا به‌ڕێوه‌ چوو كه‌ زیاتر له‌ 3000 كه‌س له‌و تریبوونه‌ ئازاده‌دا به‌شدار بوون.

له‌ درێژه‌ی كۆبوونه‌وه‌‌و ناڕه‌زایی‌ ده‌ربڕینه‌كاندا، ئه‌وڕۆ یه‌كشه‌ممه‌ 19ی جۆزه‌ردان، خوێندكارانی ناڕازی به‌ چه‌ند ده‌سته‌ دابه‌ش بوون‌و هه‌ر ده‌سته‌یه‌ك له‌ به‌ر كۆلیژێكی زانستگا كۆبوونه‌وه‌و رێگایان نه‌دا ئیمتیحانه‌كانی زانستگا كه‌ قه‌رار بوو ئه‌وڕۆ ده‌ست پێ‌بكات، به‌ڕێوه‌ بچێ‌.

شایانی باسه‌، ژماره‌ی خوێندكارانی مانگرتوو له‌و خواردن، گه‌یشته‌ 126 كه‌س‌و بارودۆخی ته‌ندروستی ژماره‌یه‌كی زۆریان خراپه‌و خوێندكاران شه‌وانه‌ له‌ ده‌ره‌وه‌ی خه‌وتنگه‌كان ده‌خه‌ون.