دوو خوێندكاری‌ زانكۆی‌ ئازادی‌ كرماشان له‌ لایه‌ن لقی‌ 1ی‌ بێ‌دادگای‌ شۆڕشی‌ كرماشانه‌وه‌ هه‌ر یه‌ك به‌ ساڵێك زیندان مه‌حكووم كران.
به‌پێی‌ راپۆرتی‌ چالاكانی‌ مافه‌كانی‌ مرۆڤـ له‌ ئێراندا له‌م پێوه‌ندییه‌دا، له‌ رۆژی‌ 31ی‌ بانه‌ڕی‌ 1387دا، دانیشتنی‌ پێڕاگه‌یشتن به‌ تۆمه‌ته‌كانی‌ پارسا كرمانیان (كرمانجیان)‌و عه‌لیڕه‌زا حه‌یده‌ری‌، دوو خوێندكاری‌ زانكۆی‌ ئازادی‌ كرماشان له‌ لقی‌ 1ی‌ دادگای‌ شۆڕشی‌ كرماشاندا به‌ شێوه‌ی‌ داخراو به‌ڕێوه‌ چووه‌.
ناوبراوان له‌ لایه‌ن دادوه‌ری‌ په‌روه‌نده‌كه‌یان (باهۆنه‌ر)ه‌وه‌ به‌ تۆمه‌تی‌ "ته‌بلیغ دژی‌ نیزام" هه‌ركام به‌ سالێك زیندان مه‌حكووم كراون.
ئه‌م دوو خوێندكاره‌ بێ‌ هه‌بوونی‌ پارێزه‌ر دادگایی‌ كراون. هه‌روه‌ها هه‌ردووكیان بێ‌ حوكمی‌ به‌ نووسراوه‌‌و راگه‌یاندنی‌ پێشتر به‌ شێوه‌ی‌ ته‌له‌فوونی‌ بۆ دادگا بانگ كراون‌و له‌ ماوه‌یه‌كی‌ زۆر كورتدا به‌ زیندان مه‌حكووم كراون.
به‌پێی‌ سه‌رچاوه‌كه‌ پارسا كرمانجیان‌و عه‌لیڕه‌زا حه‌یده‌ری‌، پاش به‌ڕێوه‌چوونی‌ رێوڕه‌سمی‌ رۆژی‌ خوێندكار (16ی‌ سه‌رماوه‌ز 1386) له‌ زانكۆی‌ ئازادی‌ كرماشاندا، ده‌ستبه‌سه‌ر كراون‌و ماوه‌یه‌ك له‌ زیندانه‌ تاكه‌كه‌سییه‌كانی‌ ئیتلاعاتی‌ سوپای‌ كرماشاندا راگیراون.
شایانی‌ باسه‌ 5 مانگ له‌ ماوه‌ی‌ ئه‌م حوكمه‌ تا 5 ساڵ‌ به‌ شێوه‌ی‌ هه‌ڵ‌په‌سێردراوه‌.
به‌پێی‌ راپۆرتی‌ چالاكانی‌ مافه‌كانی‌ مرۆڤـ له‌ ئێراندا، ناوبراوان سه‌ر به‌ ره‌وتی‌ خوێندكارانی‌ چه‌پن.