رێكه‌وت :                  

به‌رێز ده‌سته‌یا به‌رهه‌ڤكار ئا یه‌كه‌مین كۆنگره‌یا یه‌كیه‌تییا خوه‌نده‌كارێن ده‌مۆكرات ئێن كوردستانا ئێرانێ!
به‌رێز ئه‌ندامێن یه‌كه‌مین كۆنگره‌یا یه‌كیه‌تییا خوه‌نده‌كارێن ده‌مۆكرات ئێن كوردستانا ئیرانێ!
به‌رهه‌ڤبوویێن بروومه‌ت!
ئه‌م ل سه‌ر ناڤێ كۆمیته‌یا به‌رێوه‌به‌ریا گشتی ئا یه‌كیه‌تیا جوانێن ده‌مۆكرات ئێن كوردستانا ئێرانێ ڤه‌، ب هنجه‌تا گرێدانا یه‌كه‌مین كۆنگره‌یا رێكخستنا ڤه‌ ب گه‌رمی پیرۆزباهیێ ژ ڤه‌ خوه‌نده‌كارێن ئازادیخواز ئو شۆرشڤان دكن ئو هێڤی خوازن كۆ كۆنگره‌یا ڤه‌ ب په‌ژراندنا كۆمه‌ك بریار ئو راسپارده‌یێن زانستی ئو ئه‌ڤرۆیی ل ئاست خزمه‌ت كرن ب نڤشا خوه‌نده‌كار ئو ویست ئو خواسته‌كێن جڤاكا كوردستانێ، ب سه‌ركه‌وتن ڤه‌ داڤی یێ ب كارێ خوه‌ بینه‌.
به‌رهه‌ڤبوویێن هێژا!
مێژڤه‌یه‌ كۆ گه‌لێ كورد ل ئاوایێن جۆر ب جۆره‌ خه‌بات ئو ته‌كۆشینێ مفاح وه‌رگرتییه‌ ئو د پێخه‌ما بده‌ستڤه‌ ئانینا ویست ئو داخوازین نه‌ته‌وه‌یا خوه‌ ئا بنده‌ست ده‌ گاڤێن هه‌وجه‌ هاوێتنه‌، لێ ژ هه‌میان گرینگتر ئه‌و خه‌باته‌یه‌ كۆ به‌رسیڤده‌رێ سه‌رده‌م ئو ئه‌و گۆهارتنێن هه‌نۆكه‌ بیت كۆ تێنه‌ پێش. بێشك یه‌كه‌مین كۆنگره‌یا ڤه‌ ژی نیشانا سه‌ح كرن ب ڤێ به‌رپرسایه‌تیێ ئو ب جێ گه‌هاندنا ئه‌ڤ ئه‌ركێ دیرۆكی یه‌ كۆ هوون ژ ڤێ رێكێ ڤه‌ په‌یاما خوه‌ دگهیژنه‌ نفشه‌كێ كۆ د جیهانا ئیرۆیه‌ سیاسه‌ت ئو مافخوازیێ ده‌ رۆله‌كی ب باندۆر ئو شۆوێندار هه‌یه‌.
ئه‌م ڤه‌كه‌ یه‌كیه‌تییا جوانان هێڤی خوازن كۆ هوون د خه‌باتا رێكخستنی، نه‌ته‌وه‌ی ئو سڤیل ئا خوه‌ ده‌ ڤه‌كه‌ رێكخه‌ر ئو رێنیشانده‌رێ نفشا خوه‌نده‌كار د پێخه‌ما پێك ئانینا جڤاكه‌كی سڤیل ئو ده‌مۆكراتیك ده‌ ب گاڤێن ئیرۆین ئو ئه‌كتیڤانه‌یه‌ خوه‌ رۆژ ل رۆژ زێده‌تر به‌ر ب پێشڤه‌ بمه‌شن.

ب هێڤیا سه‌ركه‌وتنێ‌ ژ كۆنگره‌یا ڤه‌ ره‌.
كۆمیته‌یا به‌رێوه‌به‌رییا گشتی ئا یه‌كیه‌تیا جوانێن ده‌مۆكرات ئێن كوردستانا ئێرانێ
27/12/1386 ئان یا رۆژی‌