رێكه‌وت :   1387.03.16               

خویندکارانی ئازادی خواز

 هاونیشتمانانی به‌رێز

کۆڕوکۆمه‌ڵه به‌شه‌ردۆسته‌کان

 له کاتێک دا کۆماریی ئیسلامی ئێران رۆژ به رۆژ زیاتر له ناو کۆروکۆمه‌ڵه جیهانیه‌کان دا ته‌ریک ده‌که‌وێته‌وه‌،له  ناو خۆیی وڵاتیش مه‌شروعیه‌تی رژیم له‌و په‌ریی لاوازیی خۆیی دایه هه‌ر بۆیه ده‌سه‌ڵات به‌ده‌ستان به هه‌ست کردن به‌م راستیه بارو دۆخی وڵاتیان ته‌واو میلیتاریزه‌کردوه له هه‌مان کات دا چوکه‌ترین ناره‌زایه‌تی  ده‌ربڕینی چین‌و توێژه‌کانی خه‌ڵک  به دڕندانه‌ترین شێوه وڵام ده‌ده‌نه‌وه.

زانستگه‌کان که هه‌رده‌م مه‌ته‌رێزیی له گیران نه‌هاتوویی ده‌‌سه‌ڵاته دیکتاتۆره‌کانن له ئێرانی ژێر ده‌سه‌ڵاتی ئاخونده‌كانیش دا ئه‌م سه‌نگه‌ره هه‌رگیز له گیران نه‌هاتووه‌و هه‌ر رۆژا له زانستگه‌یکی ئێران شایه‌دیی ناره‌زایه‌تی ده‌ربڕینی کۆمه‌ڵێک له خویندکارانین دژ به زوڵم‌و چه‌وساندنه‌وه ،به هۆیی ئه‌م به‌ربه‌رکانێ ئه‌هورایه‌یی خویندکاران له‌ گه‌ڵ ده‌سه‌ڵاتی ئه‌هریمه‌نی کۆماریی ئیسلامی  به سه‌دان خۆیندکاریی ئازادیی خوازو ماف ویست ئێسته‌ له  سیا چاڵه‌کانی رژیم دا له ژێر دژوارترین ئه‌شکه‌نجه‌کانان.

رۆژیی 11 جوزه‌ردانی ساڵی 1387 هه‌تاویی خویندکارانی ته‌ربیه‌ت موعه‌لیمی که‌ره‌ج به نیشانه‌یی ناره‌زایه‌تی  ده‌ربڕێن له وه‌زعی خراپی خابگاکان‌و غه‌زایی زانستگه کۆبونه‌وه‌یان پێک هێناو ئێسته‌ش زیاتر له 20خویندکاریی ئه‌م زانستگه ئه‌عتسابی غه‌زایی وشکیان کردوه ،ئه‌مه له‌ حاڵێک دایه ده‌سه‌ڵات به ده‌ستان له‌ ماوه‌یی ئه‌م دوو رۆژه‌دا له‌ مانگرتنه‌که تێ ده‌په‌ڕێ ته‌واویی هه‌وڵی خۆیان داوه تا به هه‌ر شێوه‌ێک وه‌ک که‌ڵک وه‌رگرتن‌ له به‌سیجی خویندکاری و حه‌راسه‌تی زانستگه ئه‌م مانگرتنه کۆتایی پێ بێنن ئێسته‌ش که ئێمه ئه‌م به‌یانیه ده‌نوسین ده‌سه‌ڵاتی تاریک په‌ره‌ست به هێنانی ده‌یان که‌س له نیرویی ئینتزامی که له به‌ر ده‌رکی زانستگه جێگیریی کردون  ده‌یی هه‌وێ خوێندکاران بترسێنێ تا درێژه به مانگرتنه‌که‌یان نه‌ده‌ن .

ئێمه کۆمه‌ڵێک له ئه‌ندامانی ناوخۆیی وڵاتی  یه‌کیه‌تی خوێندکارانی دێموکراتی کوردستانی ئێران پشتیوانی خۆمان له داوا ره‌واکانی ئه‌م هاوسه‌نگه‌رانه‌مان ده‌ر ئه‌بڕێن‌و داوئه‌که‌ین  له خوێندکارانی ئێران‌وخوێندکارانی ئازادیی خوازیی سه‌رانسه‌ریی دوونیا‌ به هه‌ر شێوه‌ێک بۆیان ده‌کرێ پشتیوانی خۆیان له‌م حه‌ره‌که‌ته ئه‌عترازیه‌ده‌رببرن.

له هه‌مان کات دا داوا ده‌که‌ین له ته‌واویی کۆروکۆمه‌ڵه به‌شه‌ر دۆسته‌کان له سه‌رانسه‌ری جیهان

گوشار بخه‌نه سه‌ر ده‌سه‌ڵاتداریه‌تی کۆماریی ئیسلامی تا شایه‌دیی جنایه‌تێکی دیکه وه‌ک 18پوشپه‌ریی ساڵی 1378 ده‌یان جنایه‌تی دیکه که له‌ ئێران دا دژ به خویندکاران ئه‌نجام دراوه نه‌بین .

سه‌ر که‌وتن بۆ خه‌باتی ره‌وایی خوێندکاریی

نه‌مان بۆ ده‌سه‌ڵاتی دژ به ئازادیی کۆماریی ئیسلامی ئێران

کۆمه‌ڵێک له ئه‌ندامانی ناوخۆیی یه‌کیه‌تی

خویندکارانی دیموکراتی کوردستانی ئێران

1387.3.13