رێكه‌وت :                  

خوێندكارانی‌ ئازادیخوازی‌ كورد:
ناوه‌ندو گۆڕكۆمه‌ڵه‌ به‌شه‌ر دۆسته‌كان:
خوێندكارێكی‌ كورد به‌ ناوی‌ ئیبراهیم لوتفوڵاهی‌، خوێندكاری‌ زانستگای‌ په‌یامی‌ نووری‌ سنه‌، رۆژی‌ 16ی‌ به‌فرانباری‌ 86ی‌ هه‌تاوی‌ له‌لایه‌ن هێزه‌كانی‌ ئیتلاعاتی‌ رژیمی‌ ویلایه‌تی‌ فه‌قیهه‌وه‌ ده‌سبه‌ سه‌ركراو دوای‌ 9رۆژ له‌ زیندانی‌ ئیتلاعاتداو له‌ ژێر ئه‌شكه‌نجه‌دا گیانی‌ له‌ ده‌ست دا.

گورگه‌هاره‌كانی‌ كۆماری‌ ئیسلامی‌ له‌ كوردستان، رۆژانه‌ ده‌یان تاوان وجینایه‌ت ده‌خولقێنن و به‌رۆژی‌ رووناك له‌نێو شه‌قام و كۆڵانه‌كانی‌ شارو گونده‌كانی‌ كوردستان تیغی‌ ژه‌هراویی‌ سه‌ركوت و زه‌بروزه‌نگیان وه‌كار خستوه‌و مێهروه‌رزی‌ و ره‌حمه‌تی‌ ویلایه‌تی‌ فه‌قیه به‌ سه‌ر خه‌ڵكی‌ ئازاو چاونه‌ترسی‌ كورددا ده‌بارێنن.
خوێندكارانی‌ وشیاری‌ و چاوكراوه‌ی‌ كورد. له‌ رێزی‌ پێشه‌وه‌ی‌ به‌ره‌به‌ره‌كانی‌ له‌گه‌ڵ ئه‌م رژیمه‌ دڕنده‌یه‌دا جێیان گرتوه‌و بۆیه‌ش گۆپاڵ به‌ده‌ستان وهێزی‌ خوێنمژی‌ ئه‌م رژیمه‌ سه‌ده‌ نێوه‌راستی‌‎یه‌ به‌ هه‌موو شێوه‌یه‌ك ده‌یانه‌وێ‌ رق وكینی‌ خۆیان به‌سه‌ر خوێندكارانی‌ كورددا خاڵی‌ بكه‌نه‌وه‌.
یه‌كیه‌تیی‌ خوێندكارنی‌ دێموكراتی‌ كوردستانی‌ ئێران وێرای‌ مه‌حكووم كردنی‌ ئه‌م تاوانه‌ ئاشكراو دزێره‌ی‌ كۆماری‌ ویلایه‌تی‌ فه‌قیهی‌، سه‌ره‌خۆشی‌ خۆی‌ ئاراسته‌ی‌ بنه‌ماڵه‌ی‌ خوێندكاری‌ شه‌هیدی‌ كورد، ئیبراهیم لوتفوڵاهی‌ ده‌كاو خۆی‌ له‌ خه‌م وپه‌ژاره‌ی‌‎یاندا به‌ به‌شدار ده‌زانێ‌ و هاوكات داوا له‌ هه‌موو ناوه‌ندو كۆڕو مرۆڤ دوست و ئازادیخوازان و رێكخراوه‌ نێونه‌ته‌وه‌یی‌‎یه‌كان ده‌كا له‌ به‌رامبه‌ر تاوانه‌كانی‌ كۆماری‌ ئیسلامی‌‎دا بێ‌ ده‌نگ نه‌بن و به‌هانای‌ ده‌نگی‌ مافخوازیی‌ نه‌ته‌وه‌یی‌ كوردو خوێندكارانی‌ كورده‌ وه‌ بێن.
به‌ڵێن به‌ شه‌هید ئیبراهیم لوتفوڵاهی‌ ده‌ده‌ین كه‌ دڵۆپه‌ خوێنێكی‌ به‌ فێرۆ ناچێ‌.
 

یه‌كیه‌تیی‌ خوێندكارانی‌ دێموكراتی‌ كوردستانی‌ ئێران
29ی‌ به‌رانباری‌ 1386
19ی‌ ژانویه‌ی‌ 2008