به‌ دوای واده‌و به‌ڵێنی به‌رپرسانی زانستگای ئه‌ندامی مه‌جلیسی رێژیم له‌ شاری زه‌نجان، كۆبوونه‌وه‌ی ناڕه‌زایی خوێندكارانی زه‌نجان كۆتایی پێهات‌و شه‌وی چوارشه‌ممه‌ 28له‌سه‌ر 29ی جۆزه‌ردان زیاتر له‌ 300 خوێندكار له‌ ساڵۆنی وه‌رزشیی زانستگا كۆبوونه‌وه‌و شایی سه‌ركه‌وتنیان گێڕا. به‌لام به‌دوای خوێندنه‌وه‌ی راگه‌یه‌ندراوی شورای مانگرتووان كه‌ ده‌ستی ته‌حكیمی وه‌حده‌تی له‌ پشته‌وه‌ بوو، زۆربه‌ی خوێندكاران نیشاندانی ناڕه‌زایی خۆیان، ساڵۆنه‌كه‌یان به‌جێ‌ هێشت.
ئێواه‌ری رۆژی چوارشه‌ممه‌، 29ی جۆزه‌ردان، راگه‌یندراوێك له‌نێو خه‌وتنگه‌كانی خوێندكاران بڵاو كرایه‌وه‌ كه‌ تێیدا هاتبوو تا رۆژی 10ی پووشپه‌ڕ، ده‌رفه‌ت به‌ به‌رپرسان ده‌درێ‌ كه‌ ویسته‌كانی خوێندكاران دابین بكه‌ن‌و گه‌ر جێبه‌جێ‌ نه‌كرا ئه‌وا رۆژی 11 پووشپه‌ڕ كۆبوونه‌وه‌و مانگرتنه‌كان درێژه‌ ده‌درێنه‌وه‌.
جێی ئاماژه‌یه‌ كه‌ خوێندكاران بڕوایان به‌ به‌ڵێنی‌یه‌ درۆینه‌كانی به‌رپرسانی زانستگاو ئه‌ندامی مه‌جلیسی رێژیم نیه‌و به‌ ته‌واوی له‌ كرده‌وه‌ دزێوه‌كانی ده‌فته‌ری ته‌حكیمیش ناڕازین.