له‌ ره‌وتی‌ مانگرتن له‌ خواردن‌و ناڕه‌زایه‌تییه‌كانی‌ خوێندكارانی‌ زانكۆی‌ ته‌ربییه‌ت مۆعه‌لێمی‌ كه‌ره‌جدا، 7 خوێندكار حوكمی‌ هه‌ڵپه‌ساردن له‌ خوێندنیان به‌سه‌ردا سه‌پا.
له‌م پێوه‌ندییه‌دا ماڵپه‌ڕی‌ خوێندكارانی‌ كورد (kurdishstudentes) رایگه‌یاند، له‌ شه‌شه‌مین رۆژی‌ مانگرتن له‌ خواردنی‌ خوێندكارانی‌ زانكۆی‌ ته‌ربییه‌ت مۆعه‌لێمی‌ كه‌ره‌جدا له‌ لایه‌ن یه‌كێك له‌ كارگێڕانی‌ ئه‌م زانكۆیه‌ ئه‌م حوكمه‌ به‌و 7 خوێندكاره‌ راگه‌یاندراوه‌.
به‌پێی‌ سه‌رچاوه‌كه‌ ناوه‌كانی‌ ئه‌و 7 خوێندكاره‌ بریتین له‌" فارۆق مه‌عرووفی‌، سه‌یوان فه‌ڕوخزادی‌، ئه‌مین ئاریا، مۆسلێح ستارپوور، عه‌بباس ره‌شیدی‌، ئه‌میر سالاری‌‌و محه‌ممه‌د شه‌ریفی‌.
هه‌ر كام له‌م خوێندكارانه‌ حوكمی‌ دوو ترم هه‌ڵپه‌ساردن له‌ خوێندنیان به‌سه‌ردا سه‌پاوه‌.
ناسێح فه‌ریدی‌، ده‌بیری‌ پێشووی‌ ئه‌نجۆمه‌نی‌ ئیسلامیی‌ خوێندكارانی‌ زانكۆی‌ ناوبراو له‌م پێوه‌ندییه‌دا به‌ ماڵپه‌ڕی‌ خوێندكارانی‌ كوردی‌ راگه‌یاندووه‌ كه‌ ئه‌م حوكمانه‌ بێ‌ ئاگاداریی‌ ناوبراوان‌و به‌ شێوه‌ی‌ نایاسایی‌ ده‌ركراون.
كۆمه‌ڵێك له‌ خوێندكارانی‌ زانكۆكانی‌ به‌هه‌شتی‌، عه‌لامه‌، خاجه‌نه‌سیر‌و... به‌ ده‌ركردنی‌ به‌یانیه‌ ناڕه‌زایه‌تییان له‌ ده‌ركردنی‌ ئه‌م حوكمانه‌ ده‌ربڕیوه‌.
مانگرتنی‌ خوێندكارانی‌ زانكۆی‌ ته‌ربییه‌ت مۆعه‌لیمی‌كه‌ره‌ج پاش 11 رۆژ‌و گه‌یشتنی‌ خوێندكاران به‌ داخوازییه‌كانیان‌و ناچاركردنی‌ به‌رپرسانی‌ زانكۆ به‌ پاشه‌كه‌شه‌، كۆتایی‌ پێ‌هات.