ئه‌زموونی كارشناسی ئه‌رشه‌دی زانكۆی میللی هه‌موو ساڵێك له‌ مانگی ره‌شه‌ممه‌ له‌ ته‌واوی رشته‌كاندا به‌رێوه‌ ده‌چێ. ئاكامی ئه‌و ئه‌زموونه‌ هه‌موو ساڵێك له‌ نیوه‌ی بانه‌مه‌ڕ دا راده‌گه‌یاندرا. ساڵی‌ رابردوو هاوكات له‌گه‌ڵ راگه‌یاندنی ئاكامی ئه‌زموونانه‌ خوێندكارانێك به‌ ناوی خوێندكارانی ئه‌ستێره‌دار ناسران كه‌ رێژیم پێی خۆش نه‌بوو ئه‌وان له‌ زانكۆ جێگا بكاته‌وه‌. هۆیه‌كه‌شی ئه‌وه‌یه‌كه‌ بیر‌و بۆچوونی ئه‌و خوێندكارانه‌ كه‌ له‌گه‌ڵ نیزامی كۆماری ئیسلامی له‌ یه‌ك خه‌ت دا نیه‌‌و دژبه‌ری نیزامه‌ كه‌ شه‌ڕ‌و نارازایه‌تی‌یه‌كی زۆری به‌دواوه‌ بووه‌.
به‌ڵام ئه‌مساڵ رێژیم پیلانێكی دیكه‌ی بۆ ئه‌و مه‌سه‌له‌یه‌ داڕشتوه‌. تا ئێستا كه‌ 25ی‌ بانه‌مه‌ڕه‌"كۆتایی‌یه‌كانی بانه‌مه‌ڕ" ئاكامی ئه‌زموونی ئه‌رشه‌دی رانه‌گه‌یاندووه‌ كه‌ ده‌بێ 10رۆژ پێش رایگه‌یاندبا. زۆر له‌ مامۆستایانی زانكۆ كه‌ له‌ چۆنیه‌تی ئه‌و مه‌سه‌له‌یه‌ ئاگادارن ده‌ڵێن هۆی رانه‌گه‌یاندنی ئاكامه‌كه‌ی ئه‌وه‌یه‌ كه‌ رێژیم له‌و ماوه‌یه‌ دا خه‌ریكی لێكۆڵینه‌وه‌ی گه‌ڕه‌ك" محل"ی‌ له‌ خوێندكارانه‌ تاكوو بتوانێ‌ ئه‌وانه‌ی كه‌ نه‌یاری رێژیمن بیانناسێت‌و له‌ هاتنیان بۆ خوێندنی كارشناسی ئه‌رشه‌د پێشگیری بكات.
به‌م جۆره‌ كه‌سیش به‌ ناوی خوێندكارانی ئه‌ستێره‌دار نامێنێ‌و حه‌زفی خوێندكارانی نه‌یار، راحتتر ده‌بێت.