نزیك به‌ 70 كه‌س له‌ هاووڵاتیانی شاری مهاباد، كاتژمێر 30/9ی‌ به‌یانی ئه‌مرۆ شه‌ممه‌ 5ی‌ گه‌لاوێژی‌ 87، له‌ مه‌یدانی چوار چرا كۆبوونه‌وه‌‌و به‌ هه‌ڵگرتنی پلاكارد‌و وێنه‌ی فه‌رزاد كه‌مانگه‌ر رێپێوانێكی هێمانه‌یان وه‌ڕێ‌ خست.
خۆپیشاندران له‌به‌ر ده‌رگای شاره‌داری ئه‌و شاره‌ 15 خوله‌ك به‌ بێده‌نگی راوه‌ستان‌و به‌و شێوه‌یه‌ خوازیاری هه‌ڵوه‌شاندنه‌وه‌ی حوكمی ئێعدام له‌ سه‌ر فه‌رزاد كه‌مانگه‌ر بوون.
 جێی‌ ئاژماژه‌یه‌ مه‌ئمورانی ئیتلاعاتی‌و لیباس شه‌خسی‌ تێكه‌ڵ به‌ خۆپیشانده‌ران بوون‌و به‌ نیاز بوون ئه‌و رێپێوانه‌ به‌ توندوتیژی‌ دا بكێشن. به‌ڵام خۆپیشانده‌ران زۆر وشیارانه‌ بێده‌نگییان پاراست‌و پاش گه‌یاندنی مه‌به‌سته‌كه‌یان كۆتاییان به‌ رێپێوان‌و خۆپیشاندانه‌كه‌ هێنا‌و بڵاوه‌یان كرد.